Isotope van plutonium

Die chemiese element plutonium (Pu), met ’n atoommassa van ongeveer 239 u, het geen stabiele isotope nie en word dus as ’n radioaktiewe element geklassifiseer. Altesaam 21 isotope van plutonium is bekend. ²⁴⁴Pu is met ’n halfleeftyd van sowat 80 miljoen jaar die stabielste. Die belangrikste isotope van plutonium is:

• ²³⁸Pu, met ’n halfleeftyd van 88 jaar
• ²³⁹Pu, ’n splytbare isotoop met ’n halfleeftyd van 24 000 jaar
• ²⁴⁰Pu, met ’n halfleeftyd van 6 500 jaar
• ²⁴¹Pu, ’n splytbare isotoop met ’n halfleeftyd van 14 jaar
• ²⁴²Pu, met ’n halfleeftyd van 373 000 jaar

Alle ander isotope het ’n halfleeftyd van minder as 7 000 jaar.

Die splytbare isotope word gebruik as brandstof in ’n kernreaktor. ²⁴⁰Pu kan neutrone absorbeer en is daarna splytbaar. By die verval van ²³⁸Pu word vervalhitte vrygestel. Hiermee kan termo-elektriese kragopwekkers elektriese energie lewer. Onder meer Voyager 1, Voyager 2 en Cassini-Huygens gebruik hierdie energiebron.^[1]

1. ↑ Plutonium, niet de gevaarlijkste stof op Aarde, nucleartechnology.nl